मासिकाचे वर्षातून ४ वेगवेगळ्या विषयांना वाहिलेले विशेषांक निघतात. त्यामध्ये त्या-त्या विषयाचे तज्ज्ञ देखील लिहितात. दर्जेदार मजकुरासोबतच सुंदर छपाई आणि आकर्षक सप्तरंगी सजावट हे देखील मासिकाचे वैशिष्ट्य आहे. मराठीत नियमित श्रेष्ठ-ज्येष्ठ तसेच तरुण लेखकांनी मासिकात नियमित लेखन केले आहे. वि. स. खांडेकर, ना. सी. फडके, पु. भा. भावे, चि. वि. जोशी, वामनराव चोटघडे, रियासतकार, सरदेसाई, भा. रा. भागवत, दत्ता टोळ, मालतीबाई दांडेकर, विजया जहागीरदार, यांच्यापासून ते राजीव तांबे, फारूक काझी, मुमताज, रहिमतपुरे, एकनाथ आव्हाड, रा. र. बोदाडे, मंदा खांडगे, संजीवनी बोकीळ, नागेश शेवाळकर, धुंडीराम कहाळेकर, अशोक पाटील, अशोक लोटकर, लीला शिंदे, दिनकर देशपांडे, डॉ. प्रदीप आपटे, श्रेयस भावे आदी असंख्य लेखकांनी आजवर मासिकात नियमितपणे लिहिले आहे.